رهام سعيد لحسن شاكوش : عيب….. شغلتك زي الدكتور

بعد الخلاف الذي نشب بين الإعلامية ريهام سعيد ومطرب المهرجانات حسن شاكوش، قامت ريهام بإعلان ندمها على الرد ضد تصريحاته تجاهها.

وفي بث مباشر عبر حسابها في فيسبوك، قالت “سعيد” بأنها اكتشفت أنها كانت تحادث. مدير أعماله وليس شاكوش على الواتساب عندما طلب منها 30 الف جنيه لقاء حفل خريجي أبناء الساحل.

وأوضحت: “هم 5 دقائق بس يغني بلاي باك ويدوب يحرك شفايفه ويمشي مش مستاهلة 30 ألف جنيه”.

وأضافت: “مدير أعماله قال مينفعش يغني بلاي باك عشان نقابة الموسيقيين. وحسن شاكوش جه لحد باب القرية السياحية في الساحل ورفض يدخل وكسر بخاطر ولادي اللي بيحبوه وطلبوا يشوفوه”.

وتابعت: “أنا عارفة إنه في واحدة زقته، فنصيحة مني يا شاكوش ماتخليش حد يزقك على حد. عشان الدنيا دوارة وممكن تلف ويتعمل معك كده، وشايفاك كواحد غلبان وتم استعمالك غلط”.

واستمرت في كلامها قائلة: “ماتطلعش تتكلم على أعراض ناس. عيب فيه أصول اطلع قول كذابة مابحبهاش، ما تطلعش تقول أنا شفت حاجات. ما ينفعش أجيب سيرتها أو أتكلم عنها. الحاجات إللي شفتها دي أكتر من الحاجات إللي بتشوفها في الأماكن إللي بتغني فيها”.

وأضافت: “عيب أطلع أتكلم في أعراض حد، غلطت في أهلي وشرفي. وعيالي إللي بتقول شفت حاجات مش عارفة إيه، أنت ما تحلمش تسلّم على عيالي، لأنهم ناس محترمة جدًا”.

واختتمت: “عيب الشهرة تغيّرك، شغلتك زي الدكتور لما تدخل حفلة خاصة أو فرح. ما تطلعش تقول شفت إيه، وأنت غنيت للخمرة، والحشيش. وأماكن أنت عارف اسمها، وطالع تتكلم على عيالي إللي تعبت فيهم”.