قريب عمير غرايبة للرزاز:اخر صورة لهالشب كانت معك اكيد ناسي من كتر معجبينك

0 50

وجه قريب المواطن الاردني عمر الغرايبة رسالة لرئيس الوزراء عمر الرزاز طالبه فيها بضرورة مساعدته لاعادته الى الاردن بعد ان توجه الى سوريا منذ فترة ولم يعد بعد.

وتاليا الرسالة كاملة..

دكتور عمر مساء الخير، عارف مين هالشب الي جنبك بالصورة؟! أكيد طبعاً صعب تتذكره ، يمكن لأنه معجبينك كثار، يمكن بهاي اللحظة كان فخور أنه بتصور جنب الدكتور عمر الرزاز ، وسعيد بنشر الصورة على الملأ ، الله بعينك يا دكتور الشب #عمير_غرايبة صرله تسع أشهر بسوريا ، قصدي بسجون سوريا ،  ترا الشب ما نزل يحضر عرس نزل سياحة ،، والاعلام مش كثير مهتم فيه ، مش عارفة معقول لأنه من سهل حوران؟! ولا لأنه أردني ؟ ربداوي ؟ معقول ما عنده قضية ؟! يعني ، قدرتو ترجعو اللبدي من حضن المحتل وما قدرتو ترجعو عمير من سوريا الشقيقة !؟ ارجوك دكتور ، أنا كل يوم حدا من أهل عمير بطلب مني أحكي عنه ،وعملت جهدي وانا بسأل وينه ، فيش جواب معين ؟ اعتبروه ، مناضل ثوري ، اعتبروه صاحب قضية ، خلص بس ييجي بنخليه يشجع فريق رياضي ، اقلك بنلبسه أصفر وأخضر .. بس اتطلعوا فينا وبأهله.. طبعا الحمدلله ع سلامتها اللبدي و الشب الي ما حسيت الاعلام اهتم فيه زيها .. أو في حل ثاني ،يزرقله واحد خويثه من حدود جابر ويفوت الاردن من سوريا ، بلكي عملنا تبادل أسرى ورجعناك يا عمير .. بوست لايت خالي من الكذب انا الي مزعلني أنه أمه لعمير ، بس يحكولها اليوم الناس بترفع هاشتاق لابنها رح تكون فاقدة الأمل منا ، رجعولها الأمل اليوم.

مقالات ذات الصلة

اترك رد