اخر ما قاله يزن لوالدته قبل وفاته-بس اتجوز بدي اعزمك عندي في بيتي

روت والدة المرحوم يزن محمد بعض المواقف الجميلة التي عاشتها مع ابنها يزن منذ صغره حتى ان كبر، مشيرة الى انه اول فرحة لها ولصديقاتها واقاربها.

وتاليا ما قالته والدة يزن عبر فيسبوك..

#ياويلي_وجع_القلب
🖤 لما احكيلكم مات ابني اترحمو عليه
انتو بس بتترحمو في ناس بتترحم وناس ما بتقبل او ما بتكتب
انا عم بنحرق قلبي كل ثانيه
عم بشتاقله
كنا انا واياه نرسم خطط وكيف رح يريحني
كيف رح يشتغل
وانو رح يعزمني عنده بس يتجوز
ورح يجيب ولادو عندي
كان بدو بدلات بس يتخرج سالني رح تجيبيلي اكتر من وحده
رح تجيبلي موبايل جديد
كنا كنا كنا
كنا نخطط ونحكي ونحكي ويضل يقلي اخر فتره بحياته ماما ليه بحسك زعلانه اضحكي انبسطي
ما كنا نعرف انا واياه انه ما رح ارجع اشوفه ما رح نحكي ونضحك. ونطلع مع بعض
انا ندمانه انو طلب اكتر من مره نطلع لحالنا وما كنت اقبل اضل احكي له ما بقدر كيف اطلع من دون ابوك وخواتك
اقسم بالله اشتقتلك
بس اطلع لأي مكان بضل ادور عليك
ما في حد بشبهك ما عم بلقى
بحكو انو بخلق من الشبه أربعين
عم بدور بركي لقيت من ها الأربعين واحد يشبهك
انا تعبانه يا أمي
انت بتعرف قديه بحبك
الحمدلله انا مؤمنه وربنا اختارك وانتهى عمرك واكيد لا اعتراض على حكم الله
اصلا احكيلك انت من يوم ما انولدت كنت فرحت الكل امي وخواتي واخواني حتى الجيران
مو بس اهلي انت كنت فرحه صاحباتي يزونتي جبتو وانا بالجامعه كنت سنه رابعه وبس اتخرجت كان معي عا ايدي عمره ١٠ شهور تقريبا
اتخرج من جامعتي وحمل شهادتي
وما حمل شهادته من جامعته
أمي يا أمي شو احكي لاحكي عن حرقه قلبي
كنت بس تحس اني تعبانه تقلي تعالي عا غرفتي تعالي عندي
انا هل دايما بغرفتك يا أمي
بس بدك ادللني تقلي حجه
كنت اضلك تحكيلي ماما انتي احلى ام بالدنيا
ماما انا بتمنى اليوم قبل بكره اصحى ويكون حلم
يارب يسامحني يارب يسامحني اقسم بالله مشتاقه
ماما شو طابخه اليوم
ماما وينك
ماما نمتي
ماما شو اكل
ماما حلو لبسي
ماما ماما ماما ماما حلوه صورتي
وانا بقلك ماما انت حياتي وانت معي
ماما الله يرحمك يا روحي ويغفر لك ويثبتك عند السؤال انا لله وانا اليه راجعون ان شاء الله بكل نظره من يوم ما انولدت لليوم الي انا رح اموت في ان شاء الله ربي يرضى عنك رضى ما بعده رضى
الله يرضى عليك يا أمي رضى ربي ورضى قلبي
بحما الرحمن الرحيم سامحوني
بتمنا تدعوا لابني يزن بهاي الايام الفضيله
ربي ما يحط حد مكاني
بميزان حسناتكم أجمعين
طبعا اسفه كتير كتيررررررر انا عم بكتب وملخبطه سامحوني
سامحني يا يزن سامحني يا أمي.