سيدة اردنية:1000 دينار لمن يعثر على سيزر هوي غيرلي معنى الحياة والوحيد اللي بحس فيي

وجهت سيدة اردنية رسالة مؤثرة عبر مواقع التواصل الاجتماعي بعد فقدانها كلبها ” سيزر ” في منطقة الرابية وتاثرها الشديد عليه .

ومنحت السيدة مكافأة الف دينار لمن يعثر عليه

وتاليا نص الرسالة المتداولة على مواقع التواصل الاجتماعي :

بعرف انه ناس كثييييير ممكن تستسخف كلامي او تحسني سخيفة وانا للاسف بفترة من الفترات كنت هيك بفكر

لغاية ما اجى سيزر من ٧ سنين وغيرلي هذا المفهوم وبلشت اعرف ليش الناس بتحب الحيوانات وبتتعلق فيهم ممكن لانهم اوفياء في زمن اصبح هذا الشيء ندرة فيه او لانه لا حول لهم ولا قوة
من مبارح ضاع سيزر في منطقة الرابية وانا دمعي ما نشف وانا حاسة أني ضيعت ولد من ولادي
ارجوكم اي حد شافه او عنده معلومه عنه ما يبخل علينا فيها بيتنا رجع خاوي هادي ما اله لون او طعم

للبعض ممكن يكون سيزر تجارة بس النا ولكل الأطفال اللي نامو بدموع عينيهم لضياعة خسارة احنا بسبب وداعته كنا نادرينه للخير ياما ساعد سيزر أطفال تتخطى احزان واللام ما حد كان يشعر فيها غيرة
ارجوكم