اردني يرد على كل من قارن بين جمال الاردنيات واللبنانيات بعد المظاهرات

رد مواطن ردني على كل من حاول انتقاد جمال الاردنيات وباسهن وقارنهن مع اللبنانيات اللواتي خرجن للمظاهرات منذ يومين.

 

وقال الاردني في منشو له عبر حسابه في فسبوك..

 

ليوم شفت كثير بوستات بتحكي عن المضاهرات في لبنان والاغلبيه بيحكو عن البنانيات الي بالشوارع وكيف نازلات وبيقارنوهم بالمرأة الأردنيه … .. في كثير ناس حكو عن قوام المرأة اللبنانية ولبسها وانوثتها وتسريحتها وستايلها وبيتخوثو على المرأة المحلية وبيحكو ام كشة وام كرش وما بعرف شو .. بديش احكي عن الشعب البناني او افوت بمقارنات ومهاترات لانهم شعب ذو مظلمة ولا يجوز اصلا الدخول في هذه الناحية لاننا متعاطفين مع مظلمته كما تعاطفنا مع الشعب المصري والسوري واليمني والتونسي ..ولكن بدي احكي عن المرأة الأردنيه شوي .. ١-المرأة الاردنيه لما طلعت وقت اعتصام المعلمين اطلعت حكيت ليش تطلع لازم ظلت ببيتها وبعدين بتيجي تحكي شوف البنانيات كيف طالعين يطالبو بحقهم .. ٢-المرأة الاردنيه كل سنة لتعطيها مرة تشتري اواعي وبعدين بتقارن لبسها بلبس الناس التانية ولما تعطيها بتعطيها ٢٠ تشتري الها وللعيال وهي متحملة وساكته وصابرة وما بتحكي اشي انا مش قاعد بقولك اقطع من جلدك واعطيها عشان تلبسلك بس بحكيلك اعرف انت شو مقدم عشان تطلب على قد الي انت بتقدمة.. ٣-المرأة الاردنيه بتفوت الصالون مره بحياتها يوم عرسها وانت بتكون مذايق لانو دفعتلك ٢٠٠ ليرة ورحت جبتها من الصالون وبالنهايه بتحكيلها ام كشة مع انو هيه بتحاول تستخدم الامكانيات الي انت موفرلها ياها لحتى تكون بنظرك حلوة وما تطلع على حدا غيرها.. ٤-المرأة الأردنيه عمرها ما عملت بوتكس ولا فلر ولا هايفو ولا ركبت سيلكون ولا كبرت ولا صغرت وعمرها ما فاتت عيادت تجميل ؛اصلا هيه لما تصير تقح بتستكثر عليها حق دوا القحة وبالنهاية بدك اياها تطلع زي الي دافعات على حالهم الوف .ومع ذلك تبقى المرأة المحلية جميلة ببساطتها وعدم تكلفها وأنوثتها المحترمة وابتسامتها الفاتنة وباحترامها لرجلها ٥-المرأه الاردنيه كل سنة تقريبا بتولد وبتربي وبتنظف وبتطبخ وبتنفخ وبدرس وبتحمم وبتشتري جاج وخضرة وبتدفع فواتير وبدك انت يا سبع البرمبة لما تروح بدك اياها تكون جاهزة لمزاجك اما بتكون رغبات ذكورية بحته او فشة غل جاي معصب من برا .. ٦-المرأة الاردنيه هي موظفة بتستلم راتب ما بتصرفه على حالها بتحط الراتب اخر الشهر بحضنك وبتتقاسم انت واياها متاعب الحياة ٧-المرأة الأردنيه هي البيضاء صاحبة الشعر البني المغطا بشال وردي صاحبة الكشرة الجميلة والعيون السوداء الواسعتين والانف المدبب والفم المتناسق مع انحنائة الذقن ورائحة عطر الياسمين مرتدية الجلباب الازرق بحزام اسود وحذاء بكعب ليس عالي لونة اسود ؛ او هي السمراء بشعر اشقر المسدول على كتفيها وعيون رمادية مرتدية قلادة عين زرقاء تحميها من الحسد وانفها مدبب تضع فيه حلقا ذهبيا فمها صغير تلونه بلون جميل تلبس جزمة بنية وتنورة حمراء وجاكيت بني .. هذه هي من تستحق الفخر والاعجاب والاحترام والشكر والحب .. على الهامش ((بعتذر ولكن لا اقصد الجميع اقصد القلة القليلة التي توافقت مع ما كتبت))

اترك رد

زر الذهاب إلى الأعلى