“صرخات أحلام” تتصدر “تويتر الأردن” إثر جريمة قتل شابة على يد والدها… والدها شرب الشاي بجانب جثتها

تفاعل الأردنيون، مع وسم “صرخات أحلام”، إذ تصدر موقع التواصل الاجتماعي تويتر على نطاق المملكة، للحديث عن شابة تعرضت لأبشع تعنيف أسرى، بإحدى مناطق المملكة.

وتداول ناشطون مقطع فيديو تم تصويره في ساعة متأخرة من الليل ويسمع من خلاله صرخات الشابة أحلام، التي قال ناشطون إن والدها شرب الشاي بجانب جثتها عقب قتله لها بحجة “شرف العائلة”.

وبحسب ما تداوله ناشطون فإن “أحلام شابة أردنية عمرها بالثلاثينات عانت من تعنيف أسري مستمر من قبل أهلها”.

ورغم لجوء المجني عليها للأجهزة المختصة، كان يتم توقيع عائلتها على تعهد خطي ومن ثم يعود التعنيف على الضحية من جديد.

وقال شهود عيان إنه في تمام الساعة التاسعة مساء، سمع جيران الشابة أحلام صراخها وكان تركض في الشارع والدماء تسيل من رقبتها.

وكتبت ناشطة “تخيل ابوك يلي المفروض سندك وبحميك من الدنيا كلها يقتلك؟ واحد حيوان زي هيك المفروض ما يضل عايش ولا دقيقه وينقتل بنفس الاسلوب يلي قتلها فيه مشان يحس شو هي حست”.

وكتبت أخرى “من المؤسف أن يولد الإنسان في مُجتمعنا أُنثى”.

وكتبت ناشطة ” كل مرة بطلع فيها قضية جديدة بصير دوشة لفترة وبتهدا الوضع بس ولا مرة سمعنا ايش صار باللي عملو هاي الجرائم وكيف تعاقبوا هاد ازا تعاقبوا طبعا”.

وأضافت “احنا بنحكي عن حد قتل انسان قتل بنتو قعد يشرب جمب جثتها شاي”.

وقال ناشط “القصة بتخوف بشكل كبير لدرجة انو ابوها الي قتلها واخوانها معه لدرجة ما بنعرف 30 سنة الي عاشتهم او اكثر كيف كانو لدرجة تروح تستنجد بحماية الاسرة ما بنعرف شو شافت أو كمية الرعب الي كانت عايشته ولكم الله يأخذ كل واحد هيك عقله والله يكون مع البنات الي بالوطن العربي”.

اترك رد

زر الذهاب إلى الأعلى