لقيط اردني يوجه رسالة لوالدته بعد ان اصبح شابا
وجه شاب اردني كانت قد القته والدته بالقرب من مسجد في العاصمة المصرية القاهرة رسالة لوالديه اللذان تركاه وهو صغير لا يتجاوز عمره اليومين ليخفيا جريمتهما.
وقال الشاب :يما انا كبرت وصرت زلمة ربوني وكبروني واعتذروا عن انهم يخلوني اكمل معهم عشان خرمة بيتهم وعشان بناتهم صاروا صبايا وانا بضل غريب.
يما انا تربيت وكبرت بدون ما تحاولي تعرفي انا وين ولا شو صار فيي، كبرت يما وما بتعرفي اذا انا عايش او ميت ما بتعرفي اذا انا في الاردن ولا لسة في مصر مكان ما رمتيني.
الرسالة اللي كتبتيها بخط ايدك وتركتيها جمبي لساتها معي كل يوم بقرأها وانا اعيط..
كل يوم بتذكر مشوار حياتي بدونك وبدون ابوي،، لا تستغربي اني بحكيلك يما بحكيعا عشان رضى ربي علي مش عشانك…
خطبت يما وفسخت خطوبتي لانها خطيبتي عرفت اني لقيط واللي طلبولي ياها مش اهلي الحقيقيين.
متت وعشت مليون مرة.. معي جنسية مصرية من اللي تبنوني رغم اني اردني حسب كلامك في الرسالة.. حرمتيني بلدي واهلي وناسي.. شكرا يما ولقائي معك انتي وابوي عند ربنا.
