حول أحضان مش أنا…. رد ناري لتامر حسني على حلا شيحة

72

رد الفنان المصري تامر حسني على رسالة العتب التي وجهتها إليه الفنانة حلا شيحة بزعم أنه خالف الاتفاق معها وقام بنشر فيديو أغنية فيلمه الأخير “مش أنا” والذي يعرض حاليًا في دور السينما، واعتمد على لقطات تجمعهما من الفيلم.

 

وكانت شيحة قد قالت إنها تفاجأت من نشر كليب الأغنية يتضمن مشاهد رومانسية لهما، ودعته فيها إلى تدارك الخطأ والتوبة.

وقالت في رسالتها: “انا اتفاجأت جداً بنزول كليب يجمع فيه مشاهد متفرقة من الفيلم وفي ايام ذي الحجة ايام مباركة وخصوصا بعد آخر بوست نزلته ووضحت فيه انا ايه”.

 

 

لكن حسني ردّ عليها بعد ساعات قليلة برسالة مطولة نشرها على “فيسبوك” قال فيها:”نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير”.

 

 

وأضاف:”للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك، فا أنا مضطر أرد هنا برضو”.

 

 

وتابع: “أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقة اني إحترمت كلامي معاكي و وعدتك أشيل مشاهد تانيه طلبتيها شيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده”.

 

 

وأوضح الفنان المصري:” بعدين الفيلم بقاله ٣ اسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا”.

 

 

وواصل حسني في ردّه على رسالة حلا:”وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟!!!!!!”.

 

 

وبين:” للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!! وبقيتي تقفلي تليفوناتك و تكنسلي علينا كلنا”.

 

 

ولفت:” بعدين أي فيلم بيبقى ليه خطه مسبقه في الدعايه و انتي عارفاها كويس ووافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين”.

 

 

وبالعودة إلى رسالة حلا، التي عادت لارتداء غطاء الرأس، بعد زواجها من الداعية معز مسعود، فقالت إنّ تامر حسني وعدها باحترام رغباتها وبعض الطلبات التي طلبتها منه فيما يتعلق بالفيلم الصيف الماضي على حد قولها.

 

 

وأعربت حلا شيحة عن حزنها قائلة: “بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها، وكلنا بنغلط، ولازم نغلط علشان احنا بشر، بس المصيبة إننا بنغفل وبننسى”.

 

 

وأعلنت أنها تابت عن أداء هذا النوع من المشاهد، ودعت زملاءها إلى الحذر من “فتنة الشهرة والنجاح”، وأضافت: “الفن لو بيخلينا نبعد عن منهج ربنا، ومنبقاش قدوة لولادنا يبقي باطل، وميبقاش فن”.

 

 

وذكّرت حلا تامر بفيديو قال فيه: “أنا مش بتمنى أموت وأنا مطرب، أنا دايماً خايف من كده.. كلام أكيد قولته في لحظة صدق جواك وجوانا كلنا.” ودعته للتوبة بالقول: “شوفه تاني يمكن يفكرك إن جواك أكيد في صراع، وأنا وكلنا كلنا بنغلط، بس المهم في الاخر نتدارك الغلط و نصلح”.

اترك رد

error: المحتوى محمي !!