تطورات الحالة الصحية لياسمين عبدالعزيز بعد خضوعها لعملية صعبة وزوجها أحمد العوضي يطلب لها الدعاء

117

أكد مصدر مقرب من الفنانة ياسمين عبدالعزيز، أن حالتها الصحية مستقرة، وتتواجد حاليا في العناية المركزة بأحد المستشفيات الكبرى، بعد أن خضعت لعملية جراحية استغرقت ساعات.

 

وأضاف المصدر أن ياسمين عبدالعزيز، قبل دخولها غرفة العمليات، شددت على المقربين منها عدم الإفصاح عن أي تفاصيل حول نوع العملية الجراحية في الفترة الحالية، وبناء على رغبتها تكتم أفراد أسرتها وأصدقاؤها المقربون، على نوع العملية الجراحية، فيما اكتفى الفنان أحمد حلمي، أحد الأصدقاء المقربين لياسمين عبدالعزيز، بالقول عبر حسابه على «فيس بوك» بقوله «عملية صعبة».

 

كان أحمد العوضي، أعلن خلال الساعات القليلة الماضية، خضوع زوجته الفنانة ياسمين عبدالعزيز لعملية جراحية عبر حسابه بـ«فيس بوك» قائلا: «الرجاء الدعاء بظهر الغيب لزوجتي وحييبتي ياسمين.. هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفها وعافها».

 

وأضاف «العوضي»، في منشور آخر: «يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك.. إنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس إنتي هتقومي إن شاء الله بإذن الله عشان إنتي وعداني وعد وهتتفذيه».

 

ووجه كلامه لزوجته قائلا: «أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك».

اترك رد

error: المحتوى محمي !!