والدة الطفل رائد ربابعة الذي توفي اثر سقوطه في دلو ماء ابكت الجميع بما قالته

كتب نور العقاد والدة الطفل رائد ربايعة الذي توفي يوم أمس جراء سقوطه عن علو في قرية ميثلون قضاء جنين
” طلع الزين من الحمام ”
“الك اسبوع بتغني فيها ما كنت عارفة انك رح تكون زين و تطلع من حمام دفنك ما كنت عارفة انك بتمهدلي آنك رح تتركني
ما كنت عارفة انو مش انا رح احممك حمام الزين
يا عمري يا روحي يا قلبي يا مهجة فؤادي
انت متعلق في كتير كيف قدرت تتركني و تروح انت ما بتحب تروح مكان بدوني
كيف قدرت هالمرة
ليش تتركني يا عمري
استنيت باصك الصبح ييجي ياخدك ع الروضة بس ما اجا
كنت تودعني قبل ما تروح كل يوم الصبح و تقلي ما رح اتاخر
تقلي ديري بالك ع حال وتروح
ضليتك تبوس ايدي قبل ما تموت
ورحت اشتريتلك بوت انت اخترتو مين رح يلبسو هلا
يا عمري قطعت قلبي فحمت روحي
حرقتلي قلبي
مين ما شافك كان يحبك
حتى الي يعرفوك بس من الصور يحكولي بنحبو ما بنعرف ليش
بس انا بعرف ليش ؟
لإنك ملاك يا عمري ملاك طاهر ملاك بريء ملاك قلبي انت
اخر يوم حكيتلي غيريلي اسمي ما بدي اسمي رائد حكيتلك بجنن اسم رائد بدنا نشوفك رائد فضاء
بس انت ما بدك خلص رح ارد عليك بدي اسميك ”’ملاك ”’
لانك اجيت عالدنيا زي الملاك ورحت زي الملاك
حبيبي ربي يصبرني ع فراقك انا و ابوك
بحبك كتير يا عمري
رح اجي ازورك كل يوم ما تخاف
لو قد ما بعدوني عنك رح اجي يا حبيبي
‘اللهم اجرني في مصيبتي و اخلفني خيراً منها يا رب’.”