بعد ١٤ عاما من المعاناة مع مرض السرطان..السيدة ابتسام الجدوع تطلق مبادرة “ارادة روح” لدعم مرضى السرطان
اعلنت السيدة الاردنية ابتسام الجدوع محاربة مرض السرطان لمدة 14 عاما عن اطلاقها مبادرة فردية باسم “ارادة روح” لدعم مرضى السرطان وذلك بمناسبة قرب اليوم العالمي لمرضى السرطان .
وقغالت ابتسام في منشور لها عبر حسابها الشخصي في فيسبوك ان مبادرتها فردية وهدفها دعم المرضى من العديد من النواحي.
وقد نشرت ابتسام ابنة ال28 عاما صورا لها خلال رحلتها في العلاج من مرض السرطان، والتي تعكس مدى معاناتها في تحدي هذا المرض.
وتاليا نص ما نشرته ابتسام عبر حسابها في فيسبوك:
انا ابتسام الجدوع مريضة كانسر عمري ٢٨ ومن شي ٦ شهور تقريبا خلصت علاج مارح احكيلكم كيف كانت رحلتي مع المرض رح اتركلكم بعض الصور لتخبركم كيف عشت هالمرحلة الصعبة من حياتي …. #ملاحظة انا اتشخصت بمرض السرطان من ٢٠٠٥ وطبت منه تقريبا ب ٢٠١٦ ورجعلي المرض بشهر ٤ ال ٢٠١٩ (معاناة ١٤ سنة مع الكانسر)
ومن تجربتي بالمرض ساويت مبادرة لدعم مرضى السرطان مستقلة غير تابعة لأي جهة ( حتى ما اسمح لحدا يستغل وجعي ووجع غيري ليبرز اسمه ونكون محل اسلوب دعائي لمين ماكان ) وبما انه قرب اليوم العالمي للسرطان حبيت اعمل تحدي لنوجه كلنا رسالة لمرضى السرطان بكل العالم باسلوب لطيف جداً
ف عملت تحدي بحملة we are not dead yet challenge
لبث الامل والطاقة الايجابية لمرضى السرطان بمناسبة اليوم العالمي للسرطان وكيف فيكم تشاركوا بهالتحدي :
*فيكم تنزلوا بوست ع فيس بوك او تصوير فيديو توجهوا فيه جملة او كلمة تحفيزية لمرضى الكانسر مع هاشتاغ التحدي wearenotdeadyet_challenge#
*تصوير فيديو انستغرام وتوجيه رسالة تحفيزية لمرضى السرطان ونقل التحدي لأحد اصحابك ، أهلك … أي شخص مهتم بهيك شي مع عمل تاغ @wearenotdeadyet
*وممكن بدل الفيديو كتابة ستوري برسالة تحفيزية لمرضى الكانسر وكمان نقل التحدي لأحد معارفك وهكذا مع عمل تاغ @wearenotdeadyet
كونوا كتار لنعطي أي شي لو بسيط لمرضى الكانسر بكل العالم.
