علموا بناتكم ليكن أميرات ونجمات وأمنيات ♥️

علموا بناتكم متى يحكوا “آه” وكيف يحكوا “لا”، وانه ما في شي اسمه عانس لكن في عقول بتوصل لمرحلة من الجهل فبتصير تلقب البنات الغير متزوجات بعانس، علموا بناتكم ما تخجل من عمرها ولا اسمها ولا شكلها ولا مشاعرها ولا عاطفتها، وانه صوتها مش عورة وقت تحكي الحق، وانه تميز بين حقها وبين أحلامها، وبين الجرأة والوقاحة، علموا بناتكم انه الحيطة المايلة بتسند أكتر بكتير من زوج هامل، وانه الإنجاز مش حكر عأخوها الولد وبس، وانه التدين سواء باللبس أو الفعل أو القول الأصل منه رضا الله مش رضا المجتمع، علموهم انه قوتها لا تتعارض مع أنوثتها، وانه المهم شهادتها اللي ترفعها مش هي ترفع شهادتها، علموهم الخلفة الكتير مش عزوة لأنه بالوقت يلي بتعجز عن تربيتهم وتوفير متطلبات الحياة الأساسية بتصير خيبة، علموهم حقها كزوجة بشرع الله وبالقانون وما تحفظوهم بس واجباتهم بمنظور العادات والمجتمع والجهل، علموهم المطلقة والأرملة والبنت الغير متزوجة مش ناقصة والنقص الحقيقي العقل اللي بفكر بنقصهم، علموهم انه الاحترام سيد أي علاقة وانه احترامها كأنثى فرض ما بينطلب، علموهم ما في أي شي بيشوه أنوثتها إلا قلة الحيا، وانه البنت بتقدر تكون بأدوار كتير منها الأم والأخت والزوجة.. وبتقدر  أميرة ونجمة وأمنية ♥️

اترك رد

زر الذهاب إلى الأعلى