” مكالمة من الحياة ” وفاء العاصم
رِن التلفون كثير وانا كنت بعيده اه بعيده لدرجة انه بسمع الصوت ومو قادره أوصل وارد لأني كنت بعيده بعالم ثاني عالم اسمه شو في بكرا ؟..
وكنت قريبه بالواقع اه قريبه لدرجة انه بس امد أيدي اقدر أرد ع التلفون بدون حتى ما أوقف .. خطر ببالي أشوف مين يرن ؟ الحياة غريب ليش الحياه رانه علي ؟
ياترى هسا تذكرتني عن شو بدها تحكيلي وأي موضوع بدها تفتحه معي؟ يا ترى بدها تحكيلي عن مبارح ولا بكرا ؟ وإذا رديت عليها ممكن اسمع منها اشي يفرحني ولا يزعلني ؟ ااااخ!!
رني يا حياة رني ما رح أرد!! دقيقه..انا ليش عاندت الحياه وما رديت ريتني رديت يمكن بدها تحكيلي شي حلو ! وصرت اتخيل كثير شغلات انا بحلم فيها ونفسي احققها !
كان من الممكن لو رديت ع الحياة وهي ترن انه تعطيني بشارات امل باْذن الله .. فجاه صوت مسج هالمره بسرعه مسكت التلفون وشفت مين ياترى من مين ؟؟ شوفو هالمسج الي وصلني!
انا الحياة اتصلت ولَم تجيبي لأنك ترددتِ في الإجابة وتوقعتي كل التوقعات اتصلت لأخبرك بمقولة أرجو ان تستهويكي وهي ل علي بن ابي طالب:
“كل متوقع آتِ” فتوقعي الخير والفرح والسعاده والاحلام لتتحقق باْذن الله تصبحون على توقعات محققه باْذن الله
